Empleyado sa gobyerno sikop sa buy-bust
MINGHOY sa prisohan ang tulo ka mga indibiduwal diin ang usa niini empleyado sa gobyerno atol sa buy-bust operation sa Talomo Police Station alas 9:30 sa gabii, Disyembre 23, 2021 didto sa Dumalag 2, Brgy. Matina Aplaya, Talomo District Davao City.
Ang buy-bust operation gipangunahan sa hepe sa Talomo Police Station, Police Major Sean Logronio nga miresulta sa pagkasikop sa target nga si Ferdinand (bansagon gitago), samtang nasikop sab ang igsuon niini nga empleyado sa gobyerno ug lain pang usa.
Mokantidad sa P80,000 nga gituohang shabu ang nakuha gikan sa posisyon sa mga dinakpan ug laing usa ka .38 caliber revolver.
Gikasohan na ang mga dinakpan didto sa korte. Jeepy P. Compio
