261 ka bag-ong kaso sa Covid natala sa Pilipinas
Ang Department of Health (DOH) niadtong Miyerkules, Disyembre 22, 2021, nakatala og 261 ka kaso sa coronavirus disease 2019 (Covid-19).
Sa alas 4 sa hapon, Miyerkules nga case bulletin, ang DOH niingon nga ang bag-ong mga kaso sa coronavirus misaka sa kinatibuk-ang caseload sa Pilipinas ngadto sa 2,837,784.
Ang positivity rate sa Pilipinas anaa sa 0.9 porsyento sa 29,577 ka mga pagsulay nga gihimo niadtong Disyembre 20.
Nakatala usab ang DOH og 122 nga nangamatay, nga nisaka sa 50,916 ang namatay sa nasud.
Nagpasabot kini nga 1.79 porsyento sa tanan nga mga kaso ang namatay tungod sa Covid-19.
Mokabat usab sa 395 ka mga pasyente ang naka-recover sa maong sakit, nga nagdala sa kinatibuk-ang recoveries ngadto sa 2,777,630 o 97.9 porsyento.
Nakatala usab ang Pilipinas og 9,238 ka aktibong kaso o 0.3 porsyento lamang sa kinatibuk-ang kaso.
Sa mga aktibo nga kaso, 3,153 ka kaso ang mild, 3,400 ang kasarangan, 1,801 ang grabe, 377 ang kritikal ug 507 ang asymptomatic.
Sa paggamit sa healthcare, 20 porsyento ang intensive care unit bed, 24 porsyento sa isolation bed, 11 porsyento sa ward bed ug 10 porsyento sa mga ventilator ang nagamit.
Giingon usab sa ahensya sa panglawas nga duha ka mga laboratoryo ang wala magamit kaniadtong Disyembre 20.
Napakyas usab ang dose ka mga laboratoryo sa pagsumite sa datos sa Covid-19 Document Repository System. / JS
Base sa datos sa miaging 14 ka adlaw, ang kontribusyon niining 14 ka laboratoryo gibana-bana nga 2.8 porsyento sa tanang sample nga nasulayan ug 2.3 porsyento sa tanang positibong indibidwal. (JS)