2 mipositibo sa coronavirus sulod sa duha ka adlaw - SunStar

2 mipositibo sa coronavirus sulod sa duha ka adlaw

by Jo Ann Sablad

ANAA na sa 20,436 ang kinatibuk-ang mga kaso sa coronavirus disease (Covid-19) sa Cagayan de Oro human miubos ang ihap sa mga bag-ong kaso sa maong syudad.

Nakatala and Cagayan de Oro og duha ra ka mga kaso sulod sa duha ka adlaw, pulos mga local index nga mga kaso.

Ang ihap sa mga aktibo nga kaso sa Cagayan de Oro miubos na sad, aduna na karon sa 74.

Sa maong numero, 11 niini na-admit sa Northern Mindanao Medical Center ug uban pang mga ospital sa syudad, ug 63 ang mga outpatients.

Nakatala usab og upat ka mga Covid-positive nga mga kaso nga karon naka-recover. Anaa na karon sa 19,511 ang ihap sa mga nakarekober nga mga kaso sa dakbayan.

Ang ihap sa mga namatay sa Covid-19 sa syudad anaa na sa 851.

Leave a Reply

Your email address will not be published.