Nietes apektado na sa iyang edad
Nakitaan na og senyales si kanhi four-division champion Donnie “Ahas” Nietes nga miepekto na’g sugod ang pangidaron niini, asoy sa beteranong Filipino boxing analyst nga si Atty. Ed Tolentino.
Ang obserbasyon ni Tolentino iyang gibasi sa labing ulahing away ni Nietes batok kang Norbelto Jimenez sa Dominican Republic nga miresulta sa split draw.
Si Nietes, kinsa adunay 43-1-6, 23 KOs nga rekord ug maoy naggunit sa rekord isip Filipino longest world champion, nag-edad na og 39.
Hinuon gitataw ni Tolentino nga taliwala sa iyang pangidaron, lisod gihapong lupigon ang lumad nga taga Murcia, Negros Occidental gumikan kay aduna kini saktong abilidad.
“He kind of showed his age, we cannot deny that. The fact that he tapered off in the middle rounds is an indicator he has 39-year-old legs. But like what I said, even at 39, he would still be tough to beat because the ring savvy is still there,” asoy ni Tolentino nga napatik sa www.gmanews.tv.
“His age is starting to show. If Jimenez had been more offensively competitive, that could have been a different outcome.” (ESL)
