Talk to Papa Joe: Joke lang unta

Dear Papa Joe,

Paps, maayong adlaw. Magpatambag ko nimo kay galibog na ko unsay akong buhaton karon tungod aning akong bana nga siaw kaayo og babaye.

Toa siya karon sa Leyte gi- assign sa kompaniya, mga upat na ka buwan sukad siya nibiya diri sa among balay. Maayo pa man unta to ang among communication mga first two months pero nikalit ra mag kaputol, nga di na ma contact sa cell phone ug bisan sa Messenger chat. Pirme siyang offline. Nya wa na ko kaagwanta, akong giadto ang ilang office.

Ang iyang manager nisulti nga busy kaayo sa work ang akong bana kay nagsige og biyahe. Pero naa siyay kauban nga nihunghong nako nga naa kuno kapuyo nga batan-on ang akong bana. Tinuod busy pero naay gi­pu­yo ug mabdos og three months. Kalargahon kaayo ko pero way mahabilin sa among mga anak. Paps, unsay imong ma suggest o matambag sa akoa? Salamat.

WEN

Wen,

Ayaw lang pud pagtuo dayon sa sulti sa iyang kauban kay basin pa diay gatumo-tumo ra na o gakomedya ba. Sakto ka mas maayo nga molarga ka aron apason siya kon asa siya gapuyo karon aron ma confirm nimo tinuod ba nga duna na siyay kapuyo.

Makapaduda pud noh nga tinuod na kay di na siya ma contact sa bisan unsa nga paagi. Posible jud na nga naay dakong rason ug hinungdan. Unya og abot nimo didto, I document.

Hangyo sa imong fami­ly nga mabilin ang mga bata aron makalarga ka.

PAPA JOE

( sa inyong tampo ipadala lang sa papajoesuperb@gmail.com)